Summer Time | స‌మ్మ‌ర్ వ‌చ్చింది.. ఏసీల‌తో జ‌ర భ‌ద్రం
Summer Time | స‌మ్మ‌ర్ వ‌చ్చింది.. ఏసీల‌తో జ‌ర భ‌ద్రం
Hyderabad : ప్ర‌జ‌ల జీవ‌న విధానాల‌లో రోజు రోజుకు మార్పులు వ‌స్తున్నాయి. ఈ క్ర‌మంలో వేస‌వి కాలంలో పేద మ‌ధ్య త‌ర‌గ‌తి కుటుంబికులు అధిక సంఖ్య‌లో ఫ్యాన్లు, కూల‌ర్ల‌కే ప‌రిమిత‌య్యేవారు. కాని ఇప్పుడు మ‌ధ్య త‌ర‌గ‌తి వారు కూడా ఏసీల‌కు అల‌వాటు ప‌డుతున్న ప‌రిస్థితులు వ‌చ్చాయి. కూల‌ర్ల కాలం పోయి.. ఏసీల కాలం వ‌చ్చింది. దీంతో ఇంటింటికి ఏసీలు అన్న చందంగా త‌యారైంది. అలాగే గ‌తంలో సంప‌న్న వ‌ర్గాలు లేదా కార్పొరేట్ స్థాయి కార్యాల‌యాల‌ల్లో ఏసీల‌ను వినియోగం ఉండేది. కానీ ఇప్పుడు దాదాపుగా ప్ర‌తి ప‌నిచేసే చోట ఏసీల‌ను ఉప‌యోగిస్తున్నారు. ఇంట్లో హాల్ గ‌దితో పాటు ప్ర‌తి బెడ్‌రూమ్‌కు ఏసీ అనివార్యం చేసుకున్నారు. ఈ క్ర‌మంలో ఏసీల వినియోగం అధిక‌మైంది. స‌ర్వ సాధార‌ణంగా ఏసీల‌ను వేస‌వి కాలంలో పెరిగిన ఉష్ణోగ్ర‌త‌ల అనుగుణంగా వినియోగించుకోవాలి. ఇప్పుడు ప్ర‌తి కార్యాల‌యాల‌లో, అన్ని వేళ‌ల్లో అందుబాటులో వ‌చ్చాయి. అదే అల‌వాటుతో ఏసీల‌ను అధికంగా వాడుతున్నారు. ఏసీల వాడుతున్నంత వ‌ర‌కు మ‌న‌సుకు హాయిగా, శ‌రీరానికి చ‌ల్ల‌గాను ఉంటుంది. కాని వాటి వ‌ల్ల క‌లిగే దుష్ప్ర‌భావాలు వ‌స్తున్నాయి. మ‌నిషి ఆరోగ్యంపై ప‌డుతుంది. ఈ సంగ‌తి ప్ర‌స్తుతం ఏసీ వినియోగ‌దారులు గుర్తించ‌డం లేదు. ఏసీల్లో అధిక స‌మ‌యం గ‌డుపుతుండ‌డం వ‌ల్ల తీవ్ర‌మైన అనారోగ్య సమస్యలు వ‌స్తున్నాయ‌ని ఆరోగ్య నిపుణులు హెచ్చ‌రిస్తున్నారు. అలాగే ఏసీల్లో గ‌డ‌ప‌డాన్ని త‌గ్గించుకోవాల‌ని వారు సూచిస్తున్నారు. పైగా చాలా మందికి విట‌మిన్ డీ సమస్యలు కూడా ఎదుర‌వుతున్నాయ‌ని డాక్ట‌ర్లు తెలుపుతున్నారు. ఈ సమస్యలు ఆడ‌వారితో పాటు మ‌గ‌వాళ్ల‌లో కూడా ఇటీవ‌ల కాలంలో అధిక‌మైంద‌ని చెప్పుతున్నారు. దీనికి కారణం ఇంట్లో వాడే ఏసీల‌తో పాటు కార్ల‌తో పాటు బ‌స్సుల‌లో కూడా ఏసీలు ఏర్పాటు చేస్తున్నారు.
- Advertisement -
